Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Маңғыстау облысына 2 000 доза қазақстандық вакцина жеткізілді

2021 жылдың 27 сәуір 2021 20:11

АҚТАУ. ҚазАқпарат - Маңғыстау өңіріне қазақстандық «QazCovid-in» вакцинасының 2 000 дозасы жеткізілді, деп хабарлайды ҚазАқпарат тілшісі облыстың қоғамдық коммуникация орталығына сілтеме жасап.

Брифингте облыстық санитариялық-эпидемиологиялық бақылау департаментінің басшысы Ғазиз Надуев әкелінген екпенің 1000 дозасы I компонентке, тағы 1000-ы II компонентке жататынын айтты. Қазір облыстық денсаулық сақтау басқармасы отандық вакцинаны аймақтағы екпе егу пункттеріне таратып жатыр.

«Қазақстандық вакцинаның ресейлік «СпутникV» екпесінен ерекшелігі – сақтау температурасында. Ресейлік препарат -18-ден төмен температурада сақталса, отандық вакцинаны +2, +8 градуста ұстауға болады. Отандық вакцинаның тағы бір айырмашылығы – «Спутник V» сияқты ағзаға тірі жасушалар емес, өлі жасушалар енгізіледі. Яғни қауіпсіздігі жоғары. Бірақ бұл екпенің де екінші компонентін араға 21 күн салып алу керек.

Айта кетейік, таңдау тұрғындардың өзінде. Қазақстандық «QazVac» немесе ресейлік «Sputnik-V» екпесін салдыра ма, ол жағын өздері шешеді. Вакцинаның екі түрі де 18 және одан жоғары жастағы адамдарға салынады», - деді Ғазиз Надуев.


Жоғары қарай