Ауа райы
Астана 0 °С
Алматы 4 °С
валюта бағамы
USD 421.58
EUR 496.83
RUB 5.53
CNY 62.20

Мәдениет министрлігінің бұрынғы жауапты хатшысы мен департамент басшысы сотталды

2019 жылдың 30 қазан 2019 18:50

НҰР-СҰЛТАН. ҚазАқпарат – Пара алған ҚР Мәдениет және спорт министрлігінің бұрынғы жауапты хатшысы С.Уәлиев, осы министрліктің Әкімшілік департаментінің экс-директоры Е.Дәржібаев сотталды, деп хабарлайды ҚазАқпарат ҚР Сыбайлас жемқорлыққа қарсы іс-қимыл агенттігіне сілтеме жасап.

Шенеуніктер «ҚазАқпарат» баспа корпорациясы» ЖШС президенті Қ.Ботбайдан пара алған. Ал пара берген кәсіпкер де жазаланды.

«Сыбайлас жемқорлыққа қарсы қызметі ҚР Мәдениет және спорт министрлігінің жауапты хатшысы Қ.С.Уәлиевке, министрліктің Әкімшілік департаментінің директоры Е.Т. Дәржібаевқа, «ҚазАқпарат» баспа корпорациясы» ЖШС президенті Қ.Қ. Ботбайға қатысты ірі көлемде пара алу фактісі бойынша сотқа дейінгі тергеуді аяқтады», делінген хабарламада.

Қ.Уәлиев және Е.Дәржібаев екеуі Қ.Ботбайдан діни тақырыпқа әдебиет басып шығару бойынша мемлекеттік тапсырыс шартын жасау арқылы көрсеткен жалпы көмегі үшін 37 мың АҚШ доллары мөлшерінде пара алды деген күдікке ілінген болатын.

30 қазанында Нұр-Сұлтан қалалық №2 сотының үкімімен С.Уәлиев пен Е.Дәржібаевқа 8 және 7 жылға бас бостандығынан айыру жазасы тағайындалды. Сондай-ақ осы үкіммен Қ.Ботбай 7 жылға бас бостандығынан айырылды.

Жоғары қарай