Ауа райы
Астана -18 °С
Алматы -3 °С
валюта бағамы
USD 421.58
EUR 496.83
RUB 5.53
CNY 62.20

Луговая стансасының атауы Түрксіб болып өзгерді

2020 жылдың 30 қазан 2020 16:07

НҰР-СҰЛТАН. ҚазАқпарат - Луговая стансасы Түрксіб деп аталды. Мұндай шешім Түркістан-Сібір теміржол магистралінің 90 жылдығын мерекелеуге байланысты қабылданды, деп хабарлайды ҚазАқпарат.

Индустрия және инфрақұрылымдық даму министрлігінің мәліметінше, бұл бастама ел тарихы үшін маңызды жобаға қатысқан құрылысшылар мен теміржолшылардың еңбегін мәңгі есте сақтауға бағытталған.

2020 жылғы 23 қазанда ҚР Үкіметінің «Теміржол вокзалы кешенін және кейбір теміржол станцияларын қайта атау және кейбір теміржол стансалары атауларының транскрипциясын өзгерту туралы» қаулысы қабылданды.

Естеріңізге сала кетейік, Түрксіб 1930 жылы 31 желтоқсанда пайдалануға берілген болатын.1927 жылы 21 қарашада Луговая стансасы осы теміржолдың алғашқы рельстерін салды.

Осы жерде Халық комиссарлары кеңесі төрағасының орынбасары Тұрар Рысқұловтың қатысуымен құрылыс алаңының ресми ашылуы өтті.

Аңызға айналған магистраль сол кезде экономиканың дамуында маңызды рөл атқарды. Ол үлкен аумақтың табиғи ресурстарын игеруге, өнеркәсіптік және ауылшаруашылық әлеуетін іске асыруға мүмкіндік берді.

Түрксібті жаңа өмір жолы деп атады. Магистраль бойында қалалар мен жұмысшы поселкелер пайда болды.

Қазір Түрксіб тек Қазақстанның ғана емес, сондай-ақ Орта Азияның барлық республикаларының экономикасында табысты жұмыс істеп, оларды Қытайдан бастап Ресей, Орта Азия, Таяу Шығыс елдері арқылы және Еуропаға дейінгі бірыңғай Жібек жолына біріктіреді.


Жоғары қарай