Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қызылордада жаппай тәртіпсіздік кезінде ломбардқа ұрлыққа түскендер ұсталды

2022 жылдың 24 қаңтар 2022 19:22

ҚЫЗЫЛОРДА. ҚазАқпарат - Қызылордада жаппай тәртіпсіздік кезінде ломбардқа ұрлыққа түсіп, алтын бұйымдар ұрлаған екі адам қолға түсті, деп хабарлайды қазАқпарат тілшісі.

Оқиға биылғы жылдың 5 қаңтар күні болды. Сол күні жаппай тәртіпсіздік кезінде екі адам облыс орталығында орналасқан ломбардтан алтын бұйымдар ұрланған.

«Аталған дерек бойынша ҚР Қылмыстық кодексінің 188-бабының 4-бөлігінің 3-тармағымен (Аса ірі мөлшерде жасалған ұрлық) қылмыстық іс тіркелді. Ол сотқа дейінгі тергеп-тексерулердің бірыңғай тізіліміне тіркелген. Іздестіру шараларының нәтижесінде күдікті ретінде Қызылорда қаласының 2 тұрғыны қолға түсті», - деп мәлім етті Қызылорда облыстық полиция департаментінен.

Ведомство мәліметінше, күдіктілер уақытша ұстау абақтысына қамаққа алынған. Тергеп-тексеру әрекеттері жүргізілуде.

Еске салсақ, Қызылордада тәртіпсіздік салдарынан зардап шеккен кәсіпкерлердің тізімі жасалуда.



Жоғары қарай