Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қызылордада бүлдіршін қызға азғындық әрекет жасамақ болған күдікті ұсталды

2021 жылдың 21 шілде 2021 17:30

ҚЫЗЫЛОРДА. ҚазАқпарат - Қызылордада бүлдіршін қызға азғындық әрекет жасады деген күдікпен ер адам ұсталды, деп хабарлайды ҚазАқпарат тілшісі.

Мәлім болғанындай, оқиға 20 шілдеде сағат 21.00 шамасында болған. Бектұрғанов көшесі бойындағы көп қабатты үйдің маңында ер адам бүлдіршін қызға азғындық әрекет жасауға тырысқан.

«Бұл дерекке қатысты ҚР Қылмыстық кодексінің 124-бабының 1-бөлігімен сотқа дейінгі тергеп-тексеру амалдары басталды.

Кінәлі адам анықталды. Оның іс-әрекетіне қатысты құқықтық баға беріледі. Қылмыстық іс бойынша қажетті сот-сараптамалары тағайындалып, кешенді тергеп-тексеру әрекеттері жүргізілуде», - деп мәлім етті Қызылорда облыстық полиция департаментінен.

Департаменттің хабарлауынша, ҚР Қылмыстық-процестік кодексінің 201-бабының талаптарына сәйкес, сотқа дейінгі тергеп-тексеру деректерін жария етуге жол берілмейді.

Қылмыстық істің тергеп-тексерілуі Қызылорда облысы Полиция департаменті бастығының қатаң бақылауына алынған.


Жоғары қарай