Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қызылордада әлеуметтік қызметкер ұрлық жасады

2021 жылдың 29 тамыз 2021 18:16

ҚЫЗЫЛОРДА. ҚазАқпарат - Қызылордада әлеуметтік қызметкер ұрлық жасады, деп хабарлайды ҚазАқпарат тілшісі.

Оқиға Жаңақорған ауданында болды. Аудандық полиция бөліміне ауыл тұрғыны арызданған. Онда белгісіз біреу жатын бөлмедегі сөре ішінен алтын бұйымдарын, екі банк картасын ұрлап кеткенін көрсеткен.

Біршама уақыттан кейін оның телефонына өзінің банк есеп шотынан 53 мың теңге шешілгені туралы хабарлама келген.

«Аудан бұрғыны одан кейін полицияға жүгінген.​ Жалпы келтірілген залал 403 мың теңге. Тәртіп сақшылары күдікті әйелді ұстады. Ол осы ауылдың әлеуметтік қызметкері екені белгілі болды. Оған қатысты ешқайда кетпеу туралы қолхат түрінде бұлтартпау шарасы қолданылды», - деп мәлім етті Қызылорда облыстық полиция департаментінен.

Ведомство мәліметінше, аталған дерек бойынша ҚР Қылмыстық кодексінің 188-бабы 1-тармағына​ сәйкес сотқа дейінгі тергеп-тексеру амалдары жүргізілуде. Оқиғаның мән-жайы анықталуда.


Жоғары қарай