Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қызылорда облысында «Pfizer» вакцинасын 19,2 мың адам салдырды

2022 жылдың 19 қаңтар 2022 21:09

ҚЫЗЫЛОРДА. ҚазАқпарат - Қызылорда облысында 19 мыңнан астам адам коронавирусқа қарсы «Pfizer» вакцинасын салдырды, деп хабарлайды ҚазАқпарат тілшісі.

Қазірге дейін барлығы 19247 адам «Pfizer» вакцинасының бірінші компонентін салдырды. Екінші компонентімен қамтылғандар саны - 11050 адам.

«Бүгінге дейін аталған вакцина салдырғандар арасында 12-17 жас аралығындағы жасөспірімдер саны басым. Олардың 15746-сы бірінші компонентін алса, 8806-ы екіншісін алды. Ал жүкті әйелдер арасында бірінші компонентпен – 1517, екінші компонентпен – 1014, лактация кезеңіндегі әйелдер арасында бірінші компонентпен – 1984, екінші компонентпен 1230 адам қамтылды», - деп мәлім етті Қызылорда облыстық Санитариялық-эпидемиологиялық бақылау департаментінің баспасөз хатшысы Айман Жанахаева.

Еске салсақ, Қызылордада тұмауға шалдыққандар арасында балалардың үлесі басым болып тұр.


Жоғары қарай