Ауа райы
Астана 1 °С
Алматы 6 °С
валюта бағамы
USD 421.58
EUR 496.83
RUB 5.53
CNY 62.20

«Қызыл шек»: ДСМ коронавирусқа байланысты қатаң шара қандай жағдайда қолданылатынын түсіндірді

2020 жылдың 18 қыркүйек 2020 18:47

НҰР-СҰЛТАН. ҚазАқпарат - Қазақстанда коронавирусқа шалдығып, ауруханаға түскен науқастар саны 30 мың адамға жеткенде карантин шаралары қатаңдатылады. Бұл туралы ҚР Денсаулық сақтау министрлігінің ресми өкілі Бағдат Қожахметов айтты, деп хабарлайды ҚазАқпарат тілшісі.

Орталық коммуникациялар қызметіндегі баспасөз мәслихатында журналистер ресми өкілден: «Әлеуметтік желіде Қазақстанда коронавирустың екінші толқыны келген жағдайда көктемдегі жағдай қайталанады деушілер бар. Қауіп бар ма, оқиға дамуының ең нашар сценарийі әзірленген бе?», - деп сұраған еді.

«Бұл ретте өзіміз-ақ ой елегінен өткізіп, дөп түсуімізге болады. Бүгінде Қазақстанның денсаулық сақтау жүйесінде кез келген сәтте стационарларда 70 мыңнан астам коронавирус жұқтырғандарға төсек-орын дайындай алады. Бұл «қызыл шек« саналады. Қазіргі уақтта елімізде орташа есеппен 500 -600 науқас анықталып жатыр. Егер бұл саны 30 мыңға жететін болса, онда бұл елімізде ең қатаң карантин шараларын енгізу үшін басты белгі саналады», - деді ол.

Оның айтуынша, коронавирустың орташа және ауы рформасымен ауырғандарды қамту үшін елімізге 5 мың өкпені жасанды желдету аппараты қажет. Бүгінде бұл аппараттар сатып алынып, ауруханаларға жеткізілген. Аппараттардың 1,5 мыңы Қазақстанда жасалған.

«Еліміз бойынша жұқпалы аурулар ауруханаларының, провизорлықтың орталықтардың басым бөлігі, ауруханалардың барлығы оттегі концентратымен қамтамасыз етілген. Ол ауыр формадағы науқастарды емдеуде өте тиімді тәсіл саналады. 3,5 мыңнан астам ұтқыр бригада құрылды. Бұл дәрігер мен медбикесі бар жедел көмек көрсету автомобилі саналады. Егер төртінші санаттағы қоңырау түсетін болса, онда олар шақырту орнына жедел аттанып, қажеттілік туындаған жағдайда сол жерде-ақ пациентке кез келген тексеру жүргізе алады», - деді ресми өкіл.


Жоғары қарай