Ауа райы
Астана 30 °С
Алматы 30 °С
валюта бағамы
USD 412.55
EUR 468.66
RUB 5.79
CNY 58.80

Қытайдан Қазақстанға гуманитарлық жүк келді

2020 жылдың 4 шілде 2020 18:06

АЛМАТЫ. ҚазАқпарат - Коронавирус індетінің таралуына қарсы күрестегі халықаралық күш-жігер мен ынтымақтастық шеңберінде Қытай Халық Республикасының Үкіметі жолдаған медициналық гуманитарлық көмектің кезекті партиясы бүгін Алматы қаласының халықаралық әуежайына жеткізілді, деп хабарлайды ҚазАқпарат ҚР СІМ баспасөз қызметіне сілтеме жасап.

Жүк құрамына COVID-19 індетін анықтауға арналған 50 мың тест-жүйелер, сондай-ақ 70 мың қорғаныс көзәйнегі, 150 мың медициналық қолғаптар, 1000 — түйіспесіз термометрлер, 30 мың қорғаныс костюмдері мен 600 мың маскалар кірді.

Қорғаныс құралдары медициналық мекемелер мен ұйымдар арасында таратылады.

Қазақстан Сыртқы істер министрлігі ҚХР Үкіметіне жаһандық пандемия жағдайында ұсынылған гуманитарлық жүк үшін ризашылығын білдіреді. Біздің қытайлық әріптестеріміздің игі әрекеті Қазақстан мен Қытай арасындағы мәңгілік жан-жақты стратегиялық әріптестікті одан әрі нығайтуға деген бекемдігін көрсетеді.


Басты сөздер: ҚР СІМ, Қытай, Коронавирус,
Жоғары қарай