Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қырғызстанда кісі өлтіргені үшін іздеуде жүрген күдікті Алматыда ұсталды

2021 жылдың 13 мамыр 2021 17:32

АЛМАТЫ. ҚазАқпарат- Алматы полициясы Қырғызстанда адам өлтіргені үшін іздеуде жүрген күдіктіні ұстады, деп хабарлайды ҚазАқпарат тілшісі.

Қырғыз Республикасының Ішкі істер министрлігі кісі өлтірді деген күдікке ілінген 32 жастағы азаматқа іздеу жариялаған.

Бүгін, 13 мамырда Алматы қалалық Полиция департаменті бастығының орынбасары Рустам Әбдірахманов күдікті Алматыда ұсталғанын хабарлады.

«Күдіктінің Алматы қаласының аумағында жасырынып жүргені туралы жедел ақпарат келіп түсті. Жедел-іздестіру іс-шаралары жүргізіліп, нәтижесінде күдікті ұсталып, Алматы қаласы ПД уақытша ұстау изоляторына қамалды», - деп жазды ол Facebook-тегі парақшасында.

Сонымен қатар, ол күдіктіні экстрадициялау мәселесі халықаралық шарттарға сәйкес шешілетінін атап өтті.


Жоғары қарай