Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Құрлықтық хоккей лигасы: Олимпиада кезінде ойындар өтпейді

2022 жылдың 28 қаңтар 2022 19:04

НҰР-СҰЛТАН. ҚазАқпарат - Құрлықтық хоккей лигасы Қысқы Олимпиада кезеңінде ойындар өткізбеу жөнінде шешім қабылдады, деп хабарлайды ҚазАқпарат тілшісі.

Бұл жөнінде Құрлықтық хоккей лигасы мәлім етті.

ҚХЛ клубтар арасында Қытай астанасы - Бейжің қаласындағы Қысқы Олимпиада кезінде чемпионатты жалғастыруға байланысты сауалнама жүргізген еді. Аталған турнирге қатысып жатқан 24 команданың 16-ы оған қарсылығын білдірді.

Осыған байланысты лига басшылығы Олимпиада кезеңінде чемпионатты жалғастырмауға шешім қабылдады.

ҚХЛ ойындарының қалған бөлігі қашан жалғасатыны жөнінде нақты ұйғарым 10 ақпанда жасалады.

Қазір қазақстандық «Барыс» командасы 47 ойыннан кейін 48 ұпаймен 17-орында тұр.

Еске салсақ, коронавирус жағдайына байланысты құрлықтық хоккей лигасы ойындары белгісіз мерзімге шегерілді.




Перевод Әділжан Үмбет
Басты сөздер: Спорт,
Жоғары қарай