Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Құрлықтық хоккей лигасы: «Барыс» бүгін «Амур» командасымен кездеседі

2021 жылдың 30 қазан 2021 10:40

НҰР-СҰЛТАН. ҚазАқпарат - «Барыс» бүгін Құрлықтық хоккей лигасындағы кезекті ойынын Ресейде «Амур» (Хабаровск) командасымен өткізеді, деп хабарлайды ҚазАқпарат тілшісі.

Кездесу елорда уақытымен 13:00-дt басталып, «Qazsport» телеарнасынан тікелей эфирде көрсетіледі.

Екі команда бүгінге дейін 41 мәрте шеберлік байқасты. Оның 22-і «Барыстың» басымдығымен аяқталса, қалғанында ресейлік клубтың мерейі үстем болды.

Екі команда арасындағы соңғы бес кездесудің төртеуінде қазақстандық клуб жеңіске жетті.

«Барыс» биылғы турнирдің соңғы алты кездесуінің екеуінде жолы болды, қалғанында қарсыластарына есе жіберіп қойды.

Ал «Амур» соңғы алты кездесудің екеуінде қарсыластарын тізе бүктірді.

Еске салсақ, қазақстандық клуб бұдан бұрын Ресейдің «Адмирал» (Владивосток) командасынан басым түсті.

Ал «Амур» Финляндияның «Йокерит» (Хельсинки) командасынан буллитен 3:2 есебімен тізе бүктірді.

Қазір «Барыс» 24 ойыннан кейін 21 ұпаймен турнир кестесінде 19-орында келеді. Ал «Амур» 21 ұпаймен 20-орында тұр.


Автор Әділжан Үмбет
Басты сөздер: Спорт,
Жоғары қарай