Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қозоғистон Бош вазири Татаристон Президенти билан музокаралар ўтказди

2022 жылдың 25 қаңтар 2022 08:20

NUR-SULTAN. Кazinform - Қозоғистон бош вазири Алихан Смаилов Қозоғистонга амалий ташриф билан келган Татаристон Президенти Рустам Минниханов билан учрашди, деб хабар берди Ҳукумат матбуот хизмати.

Р. Минниханов деструктив кучларнинг зўравонликлари туфайли ҳалок бўлганларнинг оила аъзоларига ҳамдардлик билдириб, мамлакат учун шундай оғир паллада Қозоғистон халқини қўллаб-қувватлашини билдирди.

«Қозоғистон ва Россия ўртасидаги стратегик шерикликда Татаристон Республикаси алоҳида ўрин тутади. Қозоғистон ва Татаристон ўртасидаги узоқ йиллик қардошлик муносабатлари мустаҳкамланиб бормоқда», - деди А. Смаилов.

Савдо-иқтисодий, қишлоқ хўжалиги, нефть-кимё, саноат кооперацияси ва бошқа соҳалардаги икки томонлама ҳамкорлик масалалари муҳокама қилинди. Машинасозлик соҳасида қўшма лойиҳаларни амалга оширишга алоҳида эътибор қаратилди: Қарағанди вилоятининг Саран шаҳрида йиллик қуввати 3,5 миллион донадан 9 миллион донагача кўп мақсадли шиналар ишлаб чиқариш қувватига эга завод қурилиши (2022 йилда ишга туширилиши режалаштирилган), Қостанайда чўян қуйиш ва етакчи мост редукторлари заводини қуриш(Ишга тушириш 2023-2024 йилларга мўлжалланган).

Етакчи мост ишлаб чиқаришни кўпайтириш бўйича қўшма лойиҳаларни амалга ошириш, шунингдек, Қозоғистонда «КАМАЗ» муҳандислик-тадқиқот марказини ташкил этиш истиқболлари кўриб чиқилди.

Атирау вилоятида битум модификациясида, адгезивлар, елимлар, резинкалар ва экологик тоза шиналарни тайёрлашда фойдаланиладиган бутадиен каучукларини ишлаб чиқариш лойиҳаси фаол амалга оширилмоқда. Лойиҳа қиймати қарийб 1 миллиард долларни ташкил этади, амалга ошириш муддати 2021-2025 йиллар, ишлаб чиқариш қуввати йилига 186 минг тонна бутадиен каучукларини ташкил этади.

Қозоғистон Татаристоннинг етакчи хорижий ҳамкорларидан биридир. 2021 йилнинг 11 ойида ўзаро товар айирбошлаш ҳажми 423,3 миллион долларни ташкил этди. Яқин йилларда томонлар бу кўрсаткични 1 миллиард долларга етказиш ниятида.

Басты сөздер: ҚР Бош вазири,
Жоғары қарай