Ауа райы
Астана 25 °С
Алматы 27 °С
валюта бағамы
USD 412.55
EUR 468.66
RUB 5.79
CNY 58.80

Қостанайда жедел жәрдемге себепсіз қоңырау шалған жеткіншектер ұсталды

2019 жылдың 31 шілде 2019 20:33

ҚОСТАНАЙ. ҚазАқпарат – Қостанай облысында жедел жәрдем қызметіне негізсіз бірнеше қоңырау шалып, call-орталықтың жұмысына кедергі жасаған жеткіншектер табылды, деп хабарлайды ҚазАқпарат облыстық полиция департаментінің баспасөз қызметіне сілтеме жасап.

«Жедел-іздестіру барысында полиция қызметкерлері жедел жәрдем станциясының «103» желісінің call-орталығына қоңырау шалғандарды анықтады. Олар Қостанай ауданының кәмелет жасына толмаған 4 жеткіншегі болып шықты. Кәмелетке толмағандармен профилактикалық әңгіме өткізілді»,- деп мәлімет берді полицияның баспасөз қызметіндегілер.

Жасөспірімдердің теріс қылығы үшін олардың ата-аналарына қатысты «Арнайы қызметтерді көрінеу жалған шақыру» бабы бойынша әкімшілік хаттама толтырылды.

Жоғары қарай