Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қостанайда көлігіне жалған нөмір таққан аудандық полиция бастығы жұмыстан кетті

2021 жылдың 9 қараша 2021 16:42

ҚОСТАНАЙ. ҚазАқпарат – Қостанай облысының Сарыкөл ауданында полиция бөлімінің бастығы Қайрат Әбдіқалықов жалған нөмірі бар жұмыс көлігін пайдаланғаны түсіп қалған видеодан кейін отставкаға кетті, деп хабарлайды ҚазАқпарат тілшісі.

Аталған фактіге қатысты Қостанай облысы полиция департаментінің баспасөз қызметі түсінік берді. Ведомствода хабарлағандай, ҚР ІІМ-де полицияны реформалау аясында басты басымдық белгіленген. Ол – жеке құрам арасында заңдылық пен тәртіпті сақтау.

«Youtube-те жарияланған видео бойынша Қостанай облысының ПД Сарыкөл ауданының полиция бөлімінің бастығы Қайрат Әбдіхалықовтың заңсыз әрекеті туралы қызметтік тергеу жүргізілді. Мемлекеттік қызметшінің Әдеп кодексінің талаптарын бұзғаны үшін Сарыкөл аудандық ПБ полиция қызметкерлері қатаң тәртіптік жауапқа тартылды», - деп хабарлады полиция агенттік тілшісіне.

Сонымен қатар, жүргізушіні әкімшілік жауапқа тарту үшін материал Қостанай облысы ПД жергілікті полиция қызметі басқармасына жолданды. «Осыдан кейін Сарыкөл ауданының полиция бастығы Қайрат Әбдіхалықов қызметінен босату туралы баянат жазды», - деп толықтырды полиция департаментінің баспасөз қызметі.


Авторы Жанна Мұсабаева


Жоғары қарай