Ауа райы
Астана 15 °С
Алматы 12 °С
валюта бағамы
USD 412.55
EUR 468.66
RUB 5.79
CNY 58.80

Қостанай облысында тағы екі ПТР-зертхана ашылды

2020 жылдың 2 тамыз 2020 09:51

ҚОСТАНАЙ. ҚазАқпарат – Қостанайда Архимед Мұхамбетовтің төрағалығымен коронавирус инфекциясының таралуына жол бермеу жөніндегі жедел штаб отырысы өтті, деп хабарлайды ҚазАқпарат облыс әкімінің баспасөз қызметіне сілтеме жасап.

Облыс әкімі коронавирустың өңірде таралуына жол бермеу бойынша жүргізіліп жатқан жұмыстарға тоқталды. Оның айтуынша, қазір 2158 төсек-орын қосымша дайындалды, оның ішінде 1704-і - провизорлық стационарда.

«Соңғы 2 аптада пневмониямен ауыру өткен кезеңмен салыстырғанда 5 есе төмендеді. Сондай-ақ жедел жәрдем қызметін шақыру саны 1 600-ден 750-ге дейін азайғаны байқалады. Облыста КВИ диагностикасы 5 зертханада жүргізіледі. Ветеринарлық зертхана филиалдарының базасында бүгіннен бастап 2 ПТР-зертхана жұмыс істей бастады. Колл-орталық жұмысы күшейтілді, штат екі есе ұлғайды. Жұмыс демалыссыз жүргізіледі. Қоңырау саны күніне 180-ден 120-ға дейін төмендеді. Емханалардың жанынан пациенттерге үйде медициналық көмек көрсететін 160 мобильді әмбебап бригада құрылды», - деді облыс басшысы.

Сондай-ақ, Архимед Мұхамбетов облыста карантиннің сақталуына бақылау күшейтілгенін атап өтті. Облыстағы мониторинг топтарының саны 44-тен 91-ге дейін көбейді.

Осы жылдың 1-30 шілде аралығында мониторинг топтары 2099 меншік нысанын тексерді. 118 заңбұзушы анықталып, хаттама толтырылды.

Ішкі істер қызметкерлері локдаун режимін бұзған 1680 адамға ескерту жасады.


Жоғары қарай