Ауа райы
Астана 7 °С
Алматы 13 °С
валюта бағамы
USD 421.58
EUR 496.83
RUB 5.53
CNY 62.20

Қостанай облысында провизорлық стационардың жұмысы тоқтатылды

2020 жылдың 11 тамыз 2020 04:05

ҚОСТАНАЙ.ҚазАқпарат – Қостанай ауданының орталық ауруханасы базасындағы провизорлық стационар жабылды, деп хабарлайды ҚазАқпарат.

Облыстық денсаулық сақтау басқармасының мәліметіне сүйенсек, бүгін Қостанай ауданындағы провизорлық емханадан соңғы науқастар шығарылды.

«Эпидемиологиялық жағдайдың жақсаруына байланысты аурухана басшылығы провизорлық стационардың жабылғанын жариялады. Перзентхана және хирургиялық бөлімшелер базасында дезинфекциялық өңдеу жүргізіледі. Жақын арада шұғыл және жоспарлы акушерлік-гинекологиялық және хирургиялық бейіндегі пациенттерді қабылдау және емдеу қайта басталады. Басқа да науқастады қабылдау қалыпты форматта жалғасады», - дейді облыстық денсаулық сақтау басқармасының баспасөз хатшысы Ксения Жилкибаева.

Бұған дейін өңірде коронавирус індеті мен пневмония жұқтырған науқастар санының азаюына байланысты 2 провизорлық орталықтың жұмысын тоқтатқаны хабарланды.


Жоғары қарай