Ауа райы
Астана 25 °С
Алматы 27 °С
валюта бағамы
USD 409.19
EUR 461.24
RUB 5.67
CNY 58.26

Коронавирусқа байланысты жалған ақпарат таратқан 3 түркістандық тергеліп жатыр

2020 жылдың 17 наурыз 2020 22:24

ТҮРКІСТАН. ҚазАқпарат - Түркістан облысында коронавирусқа байланысты жалған ақпарат таратып, жұртты дүрліктірген 3 тұрғынға қатысты тергеу жүргізілуде. Бұл туралы Өңірлік коммуникациялар қызметін өткен брифингте облыстық Полиция департаменті бастығының бірінші орынбасары Әбдіғани Сейдуалиев мәлімдеді, деп хабарлайды ҚазАқпарат тілшісі.

Әбдіғани Сейдуалиевтің айтуынша, Мақтаарал мен Шардара аудандары және Кентау қаласында осындай 3 дерек тіркеліп отыр.

«Бұл тұрғындар коронавирусқа байланысты жүріп жатқан оқу-жаттығу жұмыстарын ұялы телефонға түсіріп, сол өңірлерде оба тарап жатыр деген мағынада бейнематериалдарды әлеуметтік желілерге салған. Қазір тергеу амалдары жүруде. ҚР Қылмыстық кодексінің 274-ші бабы «Көрінеу жалған ақпарат тарату» деп аталады және оның санкциясында 10 жылға дейін бас бостандығынан айыру жазасы көрсетілген», - деді Әбдіғани Тойшыұлы

Полицейдің сөзінше, аталған заң бойынша көрінеу жалған ақпарат таратушыға – бір мың айлық есептік көрсеткішке дейінгі мөлшерде айыппұл салынуы мүмкін. Не болмаса сол мөлшерде түзеу жұмыстарына тартылады, немесе бір жылға дейінгі мерзімге бас бостандығы шектеледі, не бір жылға сотталуы ықтимал.












Жоғары қарай