Ауа райы
Астана 22 °С
Алматы 23 °С
валюта бағамы
USD 412.55
EUR 468.66
RUB 5.79
CNY 58.80

Коронавирус жұқтырған елордалық әйелмен бірге ұшқан 20 жолаушы ауруханаға жатқызылды

2020 жылдың 13 наурыз 2020 21:36

НҰР-СҰЛТАН. ҚазАқпарат – Коронавирус инфекциясын жұқтырған қазақстандық әйелмен бір ұшақта 90 жолаушы болған, оның 20-сы ауруханаға жатқызылды, деп хабарлайды ҚазАқпарат тілшісі.

Бұл туралы Нұр-Сұлтан қаласы қоғамдық денсаулық сақтау басқармасының басшысы Сәуле Қисықова айтып берді.

«Нұр-Сұлтан қаласына коронавирус жұқтырған әйелмен бір ұшақта 90 жолаушы ұшып келді. 84 жолаушы Нұр-Сұлтан қаласында жүр. Олардың арасында іссапармен келген, қыдырып келген шетелдіктер де бар. Қалған алты жолаушы еліміздің басқа өңірлеріне шығып кеткен. Олармен сол өңірлер жұмыс істеуі тиіс», - деді С. Қисықова Орталық коммуникациялар қызметінде өткен баспасөз мәслихатында.

Оның айтуынша, Нұр-Сұлтандағы барлық 84 жолаушымен байланыс орнаған.

«Барлық 84 жолаушыға хабарласып шықтық. Олардың арасында қайту билеті бар ресейліктер де бар. Соған қарамастан, барлығын оқшаулаймыз. Әзірге 20 адам ауруханаға жатқызылды», - деді басқарма басшысы.

Бұған дейін ҚР Денсаулық сақтау министрі Елжан Біртанов елордада коронавирус жұқтырған үшінші адамның анықталғанын хабарлады.

Қазақстандық әйел 12 наурыз күні Милан-Мәскеу-Нұр-Сұлтан рейсінен түсіріліп, Нұр-Сұлтан қаласындағы көпбейінді медициналық орталықтың карантиндік стационарына жатқызылған.


Жоғары қарай