Ауа райы
Астана 12 °С
Алматы 14 °С
валюта бағамы
USD 412.55
EUR 468.66
RUB 5.79
CNY 58.80

Коронавирус жұқтырған адаммен байланыста болған жамбылдықтардың талдаулары теріс нәтиже көрсетті

2020 жылдың 22 наурыз 2020 19:55

ТАРАЗ. ҚазАқпарат - Коронавирус ауруымен байланыста болған Жамбыл облысының он тұрғынының талдауы теріс нәтиже көрсетті,-деп хабарлайды ҚазАқпарат облыс әкімдігінің баспасөз қызметіне сілтеме жасап.

Хабарланғандай, 20 наурызда Алматы облысының тұрғыны «коронавирустық инфекция» диагнозымен Қарасай аудандық ауруханасына жатқызылған болатын.

Науқаспен бұған дейін байланыста болған Жамбыл облысының 10 тұрғыны анықталып, карантинге алынды. Олардан коронавирусқа алынған талдаулар теріс нәтиже көрсетті.

Карантиндегі адамдардың ешбірінен шағым түскен жоқ. Жағдайлары қанағаттанарлық. Оларға медициналық бақылау жүргізілуде.

«Сонымен қатар, коронавирустық инфекцияның алдын алу мақсатында қоғамдық орындарға барудан бас тартудың, жеке гигиена шараларын сақтаудың, қол алысып амандасудың және басқа да жақын қарым-қатынастарда болмаудың маңыздылығын ескертеміз.

Азаматтарды тек ресми ақпарат көздеріне сенуге, жалған ақпараттар мен хабарламаларды таратпауға шақырамыз. Ол үшін қылмыстық жауапкершілік көзделгенін жеткіземіз»,-делінген хабарламада.


Жоғары қарай