Ауа райы
Астана 18 °С
Алматы 26 °С
валюта бағамы
USD 402.37
EUR 449.81
RUB 5.86
CNY 56.67

Коронавирус жұқтырған 12 жастағы қыз бала жазылып шықты - Алматы

2020 жылдың 28 наурыз 2020 21:47

АЛМАТЫ. ҚазАқпарат – Алматыда 12 жасар қыз бала коронавирустан жазылды, деп хабарлайды ҚазАқпарат тілшісі.

Қалалық Қоғамдық денсаулық сақтау басқармасының мәліметінше, ол бүгін балалар жұқпалы аурулар ауруханасынан үйіне шығарылды.

«Бала вирусқа қарсы және симптоматикалық ем-домның толық курсын алды. Ауру жеңіл формада өтті», - деді басқармадан.

Айта кету керек, 12 жастағы қыз бала 13 наурызда түнде Берлин-Минск-Алматы чартерлік рейсімен келген. Сол түні борттағы экипаж бен жолаушылардың барлығы бірден оқшауланған болатын.

Бұл Алматы ауруханаларынан жазылып шыққан 3-пациент. Олардың барлығы 14 күн дәрігерлердің бақылауында үй карантинінде болды.


Жоғары қарай