Ауа райы
Астана -21 °С
Алматы 0 °С
валюта бағамы
USD 421.58
EUR 496.83
RUB 5.53
CNY 62.20

Коронавирус: Финляндия Премьері ЕО саммитінен кетуге мәжбүр болды

2020 жылдың 16 қазан 2020 18:42

БРЮССЕЛЬ. ҚазАқпарат - Финляндияның Премьер-министрі Санна Марин коронавирус жұқтыру күдігіне байланысты Брюссельде басталған Еуропалық одақ Мемлекет және үкімет басшыларының саммитінен кетуге мәжбүр болды, деп хабарлайды «ҚазАқпарат» ХАА меншікті тілшісі.

Финляндия министрлер кабинетінің басшысы С.Марин Брюссельде басталған саммиттің бірінші күнінде делегация мүшесі, Финляндия Парламентінің депутаты Том Пакаленмен байланысқан. Ал Том Пакален тапсырған тестіден коронавирус инфекциясы расталған.

Осыған байланысты С. Марин өзін-өзі оқшаулау үшін ЕО іс-шарасынан екінші күні кетуге мәжбүр болған.

ЕО-ның ағымдағы саммитінде Финляндия атынан Швеция делегациясы қатысады.

Айта кетейік, С. Марин Брюссельде жұмысын тоқтатуға мәжбүр болған екінші - еуропалық лидер. Бейсенбі күні Еуропалық комиссияның басшысы Урсула Вон дер Ляйен өз аппаратында коронавирус анықталғанына байланысты уақытша өзін-өзі оқшаулайтынын мәлімдеген еді.


Басты сөздер: Әлем, Еуропа, Коронавирус,
Жоғары қарай