Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Коронавирус: Атырау облысында 1 780 орындық резервтік төсек-орын дайындалды

2022 жылдың 14 қаңтар 2022 13:18

АТЫРАУ. ҚазАқпарат – Атырау облысында коронавирус инфекциясын жұқтырушылар саны күрт көбейді. Осыған байланысты 1 780 орындық резервтік төсек-орын дайындалды, деп хабарлайды ҚазАқпарат.

Облыстық денсаулық сақтау басқармасының баспасөз қызметінен мәлім еткендей, өткен тәулікте «қызыл» аймақтағы Атырау облысында 437 адам коронавирус инфекциясын

жұқтырды. Қауіпті вирусқа шалдыққан науқастардың күрт көбеюі резервтік төсек-орындар жасақтауға мәжбүр етіп отыр.

«Атырау облысындағы эпидемиологиялық ахуал күрделеніп барады. Қазір 646 адам үй жағдайында, 453 науқас инфекциялық стационарларда хаттамаға сәйкес ем-дом қабылдап жатыр. Коронавирус инфекциясын жұқтырушылар санының көбеюіне байланысты

медицина мекемелерінің базасында 1 780 адамға арналған резервтік төсек-орын дайындалды. Мұндай резервтік төсек-орын Жылыой ауданындағы Теңіз кен орнында да

жасақталды», -деп хабарлады басқарманың баспасөз қызметі.


Жоғары қарай