Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Коронавирус: Атырау облысы «сары» аймаққа өтті

2021 жылдың 21 қыркүйек 2021 12:25

АТЫРАУ. ҚазАқпарат – Бүгін Атырау облысы коронавирус инфекциясын жұқтырушылар санының азаюына байланысты «сары» аймаққа өтті, деп хабарлайды ҚазАқпарат.

Атырау облыстық денсаулық сақтау басқармасының баспасөз қызметінен мәлім еткендей, соңғы тәулікте – 20 қыркүйекте 29 адамнан қауіпті вирустың белгісі анықталған. Оның ішінде Атырау қаласында - 8, Жылыой ауданында орналасқан Теңіз кен орнында 15 науқас тіркелген. Сондай-ақ, Құрманғазы ауданында 2, Мақат ауданында 1 адам коронавирус инфекциясына шалдыққан.

«Корононавирус инфекциясының тиісті симптомы 11 науқаста байқалып отыр. Ал, 18 адамда вирус белгілері жоқ. Өткен тәулікте коронавирустан 209 адам емделіп шықты.

Қазір үй жағдайында 1 367 адам ем-дом қабылдауда. Модульдік ауруханада – 117, ал, №2 облыстық ауруханада – 99, аудандардағы инфекциялық стационарларда – 89,

фтизиопульмонология орталығында 26 науқас емделіп жатыр. Теңіз кен орнындағы инфекциялық стационарда 87 пациент оқшауланған», -деп хабарлады басқарманың

баспасөз қызметі.

Еске сала кетелік, бұған дейін Атырау облысында инфекциялық стационарлардағы науқастар 4 есеге азайғанын жазған едік.


Жоғары қарай