Ауа райы
Астана 25 °С
Алматы 32 °С
валюта бағамы
USD 409.19
EUR 461.24
RUB 5.67
CNY 58.26

Коронавирус: Алматыға Германиядан келген ұшақтағы барлық жолаушының жеке тұлғасы анықталған

2020 жылдың 13 наурыз 2020 20:12

АЛМАТЫ. ҚазАқпарат - Бүгін Алматыда қалалық қоғамдық денсаулық сақтау басқармасының басшысы Тілеухан Әбілдаев пен қалалық тауарлар мен қызметтердің сапасы мен қауіпсіздігін бақылау департаменті басшысының орынбасары Әсел Халықова брифинг өткізді, деп хабарлайды ҚазАқпарат тілшісі.

Тілеухан Әбілдаевтың айтуынша, Франкфурт-Алматы бағытында келген рейсте 68 адам болған.

«Оның 4-еуі транзит арқылы басқа елге ұшып кеткен. 40 адам тұрғылықты мекенжайы бойынша табылып, карантинге алынды. Бізде барлық жолаушы туралы мәлімет бар, жеке тұлғалары анықталған», - дейді Тілеухан Әбілдаев.

Ал 12 наурызда Алматыға келген рейсте экипажды қосқанда барлығы 12 адам болған. Оның барлығы келісімен бірден оқшауланды.

Жалпы алғанда Алматыға 24 ақпан мен 13 наурыз аралығында шетелден 11340 адам келген. Оның 95.7%-ы яғни 10852 адам медициналық мекемелер бақылауында тұр.

Еске сала кетсек, бұған дейін басқарма басшысы Алматыда коронавируспен күреске қанша қаражат бөлінгенін және коронавирус жұқтырған адамдардың жағдайын айтқан еді.


Жоғары қарай