Ауа райы
Астана -1 °С
Алматы 6 °С
валюта бағамы
USD 421.58
EUR 496.83
RUB 5.53
CNY 62.20

Қорғаныс министрлігі әскери техникалардың топталу себебін түсіндірді

2020 жылдың 19 наурыз 2020 17:29

НҰР-СҰЛТАН. ҚазАқпарат – Қорғаныс министрлігі Аягөз қаласының маңына әскери техникалардың топталу себебін түсіндірді, деп хабарлайды ҚазАқпарат.

«2020 жылдың 18 наурызында әскери даярлықты тексеру бойынша бұрын бекітілген жоспарға сәйкес Аягөз гарнизонының әскери бөлімдерінің бірі әскери даярлықтың жоғары деңгейіне келтірілді. Барлық техника жұмыс істеп, уақытында шықты. Техника мен әскери қызметшілер өзін мықты қырынан көрсетті. Марш болмады. Техникалар қосымша қаралып, екі сағаттан кейін тұрақты дислокация бекетіне қайтарылды», - деп хабарлайды Қорғаныс министрлігінен.

Тексеріс Қарулы күштер қатарында коронавирустың таралуына қарсы тұру шаралары аясында өткізіліп, соңғы кезең ретінде қарастырылған.

«Бүгінгі таңда ҚР Қарулы күштерінің бас штабының нұсқауы бойынша тұрақты дислокациялардағы барлық пунктің тексерісі тоқтатылған», - деді министрлік.

Қорғаныс министрлігі Қарулы күштерінде жыл сайын жүзге тарта әскери жауынгерлік даярлық өтетінін хабарлайды.

Айта кетейік, бұған дейін әлеуметтік желіде әскери техникалардың топталып тұрғаны көрсетілген видео тараған болатын.


Жоғары қарай