Ауа райы
Астана 14 °С
Алматы 20 °С
валюта бағамы
USD 412.55
EUR 468.66
RUB 5.79
CNY 58.80

Қордайда өртенген ғимараттан табылған мәйіттің кім екені анықталды

2020 жылдың 5 наурыз 2020 12:35

ТАРАЗ. ҚазАқпарат - Қордай ауданы Масанчи ауылындағы өртенген ғимараттың ішінен табылған мәйіттің кім екендігі белгілі болды, деп хабарлайды ҚазАқпарат.

Бұл туралы облыстық полиция департаментінің баспасөз қызметі хабарлады.

«Ағымдағы жылдың 11 ақпанында Масанчи ауылындағы өртенген сауда ғимаратынан табылған адам сүйектеріне қатысты жүргізілген генетикалық сараптама нәтижелері бойынша көз жұмған адамның жеке басы анықталды. Ол хабар-ошарсыз кеткен 20 жастағы Мұрат Масанов болып шықты. Оның жоғалғаны туралы полицияға 9 ақпан күні әкесі xабарлаған»,-делінген ведомство мәлімдемесінде.

Сондай-ақ, адам өлімінің мән-жайы бүгінгі таңда жүргізіліп жатқан сотқа дейінгі тергеп-тексеру барысында анықталмақ.

Еске сала кетсек, биыл 7 ақпанда Қордай ауданындағы Масанчи ауылында жаппай төбелес болған. Ал 8 ақпанда Мемлекет басшысы Жамбыл облысындағы оқиғаға байланысты мәлімдеме жасады. Мемлекет басшысының тапсырмасымен Қордай ауданындағы оқиға салдарын жою жөніндегі Үкімет комиссиясы құрылды.
Жоғары қарай