Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Коммерциялық емес ұйымдар қызметінің құқықтық реттеу мәселелерін қазақстандық және халықаралық ҮЕҰ талқылады

2021 жылдың 24 қыркүйек 2021 18:49

НҰР-СҰЛТАН. ҚазАқпарат - Бүгін Нұр-Сұлтанда Ақпарат және қоғамдық даму министрлігімен бірлесіп, бірқатар қазақстандық және халықаралық ҮЕҰ: USAID, Америкалық заңгерлер қауымдастығы (ABA ROLI), Адам құқықтары және заңдылықты сақтау жөніндегі Қазақстан халықаралық бюросы және т.б. қатысуымен «Коммерциялық емес ұйымдардың қызметін құқықтық реттеудің тұжырымдамалық мәселелері» атты дөңгелек үстел өтті.

Іс-шараға ҚР АҚДМ Азаматтық қоғам істері комитетінің төрағасы Мадияр Қожахмет қатысты. Ол ҚР Ақпарат және қоғамдық даму министрлігі азаматтық қоғам өкілдерімен бірлесіп, коммерциялық емес ұйымдар қызметінің құқықтық реттеу мәселелері бойынша заңнаманы жетілдіруді реттеу саясатының консультативтік құжатын әзірлеп жатқанын атап өтті.

Бұл жұмыс Мемлекет басшысының тапсырмаларын орындау аясында жүргізіліп жатқанын атап өтті.

Коммерциялық емес ұйымдар туралы заңнаманы, атап айтқанда тұжырымдамалық аппаратқа, ұйымдық-құқықтық нысандарға, мемлекеттік тіркеуге, салық салуға, Үкіметпен өзара іс-қимыл механизмдеріне қатысты мәселелерді жетілдіру ұсынылады.




Қазіргі уақытта заң жобасы заң шығару жұмысының 2026 жылға дейінгі тұжырымдамалық жоспарына енгізілді (ҚР Парламентінің жетінші шақырылымы). Заң 2023 жылдың бірінші жартыжылдығында қабылданбақ.

Қатысушылар аталған құжат бойынша ойларымен бөлісіп, коммерциялық емес ұйымдарға қатысты реттеуші саясаттың консультативтік құжатының жобасын жетілдіруіне қатысты өз ұсынымдарын берді.





Басты сөздер: Басқа меморгандар, Қоғам,
Жоғары қарай