Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Көлігінен жолға қоқыс лақтырып кеткен петропавлдық айыппұл төледі

2021 жылдың 23 тамыз 2021 23:04

ПЕТРОПАВЛ. ҚазАқпарат – Петропавл тұрғыны көлігінің терезесінен қоқыс тастағаны үшін айыппұл төледі, деп хабарлайды ҚазАқпарат тілшісі.

Солтүстік Қазақстан облысы полиция департаментінің мәліметінше, Петропавл тұрғынының «Тoyota Camry» көлігінен жолға қоқыс лақтырған теріс қылығын басқа көлік жүргізушісі түсіріп, бейнежазбаны әлеуметтік желіге орналастырған. Қызылжар ауданының учаскелік полиция инспекторлары әкімшілік ықпал ету шарасын қолдану үшін көліктің жүргізушісін анықтады.

Ер адамның айтуынша, ол әлеуметтік желідегі бейнежазбаны көріп, қандай себеппен полиция қызметкерінің қоңырау шалғанын бірден түсінген.

«Петропавл тұрғыны жасаған құқық бұзушылығы үшін кешірім сұрап, айыппұл төледі. Айыппұл мөлшері 1 АЕК мөлшерінде, яғни 3 мың теңге шамасында. Ол Белое елді мекеніне жақындай бере көлік терезесінен қолданылған стакандарды тастағанын айтты», - дейді Қызылжар ауданының учаскелік полиция инспекторы Тагир Шакиржанов.

ҚР Әкімшілік құқық бұзушылық туралы кодексінің 630-бабы бойынша жолға қоқыс тастау айыппұл салуға әкеп соғады. СҚО-да жыл басынан осы бап бойынша 101 хаттама толтырылды.


Жоғары қарай