Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Көкшетауда «Street workout»-тен жазғы маусым басталды

2021 жылдың 22 маусым 2021 16:40

КӨКШЕТАУ. ҚазАқпарат - Ақмола облыстық Жастар ресурстық орталығының ұйымдастыруымен Көкшетау қаласының орталық саябағындағы воркаут алаңында өткен жарысқа облыс аудандары және Петропавл қаласынан келген жас атлеттер қатысты, деп хабарлайды ҚазАқпарат тілшісі.

Шара 15 жасқа дейінгі «Freestyle», жігіттер мен қыздар арасындағы «Freestyle» және «Қос сайыс» тәрізді 4 аталым бойынша өтті.

«Street Workout» елімізде жастар арасында танымал және қарқынды дамып келе жатқан спорт түрі.

«Мұндай турнирлер жастардың дені сау және әдемі денені қалыптастыру, спортпен шұғылдануға және өзін-өзі дамытуға мүмкіндік береді. Жазғы маусымның ашылуымен әрбір адам жеке жаттығуларға жазыла алады, сондай – ақ, «Street Workout Aqmola» қатысушысы бола алады», - деп атап өтті жастармен үйлестіру және жұмыс бөлімінің басшысы Мақпал Жанарысова.





Автор Аслан Оспанов
Басты сөздер: Ақмола облысы, Қоғам,
Жоғары қарай