Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Көкшетауда 5 күн бұрын жоғалған әйел табылды

2021 жылдың 25 қараша 2021 11:07

КӨКШЕТАУ. ҚазАқпарат - Көкшетауда 5 күн бұрын жоғалған екі баланың анасы 28 жастағы Әсел Ахмеджанова табылды, деп хабарлайды ҚазАқпарат тілшісі.

«Іздестіру іс-шараларының нәтижесінде Көкшетау қалалық ПБ криминалдық полиция қызметкерлері Бұланды ауданының Макинск қаласында екенін анықтады. Оның өмірі мен денсаулығына еш қауіп жоқ. Әйелмен және оның туыстарымен профилактикалық әңгіме өткізілді. Сондай-ақ кәмелетке толмаған балаларды ескере отырып, отбасына ювеналдық полиция қызметкерлері тарапынан ерекше назар аударылатын болады», - деді ведомстводан.

Еске сала кетсек, Көкшетауда екі баланың анасы жоғалып кеткен болатын. Ол 19 қарашада сағат 00:00 шамасында балаларын үйде қалдырып, өзі белгісіз бағытта кетіп қалған.



Автор Аслан Оспанов
Басты сөздер: Оқиға, Ақмола облысы,
Жоғары қарай