Ауа райы
Астана -5 °С
Алматы -2 °С
валюта бағамы
USD 421.58
EUR 496.83
RUB 5.53
CNY 62.20

Көкшетау – көк қарағай мекені: Ақмолада экологиялық акция ұйымдастырылды

2020 жылдың 23 қазан 2020 03:29

КӨКШЕТАУ. ҚазАқпарат - Көкшетауда «Көкшетау – көк қарағай мекені» экологиялық акциясы өтті, деп хабарлайды ҚазАқпарат тілшісі.

Ақмола облыстық ішкі саясат басқармасы жанындағы өңірлік «Рухани жаңғыру» жобалау кеңсесі ұйымдастырған акция барысында Көкшетау қалалық №4 орта мектептің алдына 30 түп қарағай отырғызылды.

Қазақстан Республикасы Тәуелсіздігінің 30 жылдық мерейтойына орайластырып өткізілген игілікті шара барысында орман шаруашылығы саласының ардагері Шабдан Тоқмурзин, облыстық «Рухани жаңғыру» жоба кеңсесінің басшысы Марал Жақыпова қатысты.

«Акцияны жыл бойы өткізу дәстүрі қалыптасып, оны қала тұрғындары, шағын және ірі кәсіпорындардың өкілдері, мемлекеттік мекемелердің қызметкерлері қолдайды деп үміттенеміз. Биыл отырғызған 30 қарағай көшетінің саны келесі жылы үш жүзге жетуге жазсын. Мұндай іс-шара қоғамымызда экологиялық мәдениетті көтеруге ықпал етеді»,- деп атап өтті Марал Жақыпова.

Сонымен қатар, ол осынау акцияға қолдау көрсеткен облыстық табиғи ресурстар және табиғат пайдалануды реттеу басқармасы мен Көкшетау қалалық әкімдігіне алғысын жеткізді.





Жоғары қарай