Ауа райы
Астана -11 °С
Алматы -2 °С
валюта бағамы
USD 421.58
EUR 496.83
RUB 5.53
CNY 62.20

ҚХЛ: «Барыс» төрт ойыннан кейін жеңіске жетті

2020 жылдың 30 қазан 2020 21:49

НҰР-СҰЛТАН. ҚазАқпарат - «Барыс» құрлықтық хоккей лигасында бүгін елордада Қытайдың «Куньлунь Ред Стар» командасын қабылдады, деп хабарлайды ҚазАқпарат тілшісі.

Екі команда бұған дейін 12 мәрте кездесті. Оның 8-і «Барыстың» басымдығымен аяқталса, қалғанында қытайлық клуб жеңіске жетті. Елордалық клуб соңғы төрт кездесуінде жеңіліске ұшыраса, қытайлық команда кейінгі бес кездесудің төртеуінде қарсыластарынан басым түсті.

Бүгінгі ойында «Барыс» командасы үшін жеңіске ауадай қажет болатын. Кездесуде тізгінді айдын иелері қолға алуға тырысты.

Ойынның 9-минутта елордалық хоккейші Якрб Лиль есеп ашты. Ал 13-минутта Мэтт Фрэттин есепті үстемелей түсті.

Кездесуде «Барыс» қарсыласынан 2:1 есебімен басым түсті. Осылайша елордалық клуб төрт ойыннан кейін жеңіліс сериясын тоқтатты.

Екінші кезеңде қытайлық клуб бір шайба соғып, есеп айырмасын қысқартты. Оны 23-минутта Иван Никопищин өзінің еншісіне жазды.

Енді «Барыс» 3 қарашада елордада Латвияның «Динамо» (Рига) крмандасын қабылдайды.


Автор Әділжан Үмбет
Басты сөздер: Спорт,
Жоғары қарай