Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

ҚХЛ: «Барыс» «Салават Юлаев» командасына есе жіберді

2021 жылдың 29 желтоқсан 2021 22:17

НҰР-СҰЛТАН. ҚазАқпарат – Құрлықтық хоккей лигасының кезекті ойынын «Барыс» өз айдынында «Салават Юлаев» (Уфа) командасымен өткізді, деп хабарлайды ҚазАқпарат тілшісі.

Бірінші кезеңде қонақтардан Сергей Шмелев 13 минутта мергендігімен көзге түсті.

Екінші тайм басында Линден Вей сан басымдылығын пайдаланып, таразы басын теңестіргенімен, көп ұзамай С.Шмелев жеңіс голын соғып кетті – 2:1.

Үшінші кезеңде айдын иелері қанша тырысып баққанмен, есеп өзгерген жоқ.

Осылайша Юрий Михайлистің шәкірттері жылдың соңғы матчында жеңіліс тапты. Елордалықтар 42 ұпаймен Шығыс конференциясында бұрынғысынша сегізінші орында келеді.

«Барыс» келесі ойынын 3 қаңтар күні өз айдынында «Динамо» (Рига) командасымен өткізеді. Ригалықтар 35 ұпаймен Батыс конференциясында көш соңында тұр.

Еске сала кетейік, бұдан бұрын «Барыстың» буллит сериясында «Автомобилисті» жеңгенін, жылдың соңғы матчын «Салават Юлаев» командасымен өткізетінін жазған болатынбыз.




Автор Елжан Ералы
Басты сөздер: Спорт, Хоккей,
Жоғары қарай