Ауа райы
Астана 3 °С
Алматы 5 °С
валюта бағамы
USD 421.58
EUR 496.83
RUB 5.53
CNY 62.20

ҚХА «Жаңғыру Жолы» жастар қозғалысы #МаскаТағыңыз атты науқан бастады

2020 жылдың 18 шілде 2020 18:45

НҰР-СҰЛТАН. ҚазАқпарат - Қазақстан халқы Ассамблеясының «Жаңғыру Жолы» жастар қозғалысы #МаскаТағыңыз үгіт-насихат шарасын өткізді, деп хабарлайды ҚазАқпарат ҚХА баспасөз қызметіне сілтеме жасап.

Мұндағы мақсат – көпшілік орында, көшеде бетперде таратып, халықты карантин тәртібін қатаң сақтауға шақыру. Өзіне және айналасындарға жанашыр болуды тағы бір мәрте еске салу және індеттің ары қарай өршіп кетуіне жол бермеу.

Іс-шара барысында барлық облыстағы ҚХА белсенділері көшеге шығып, жол үстіне, үй қабырғаларына «Маска тағыңыз! Денсаулығыңызды сақтаңыз!» деген жазбалар қалдырды.

Қоғамдық орындарда жеке гигиенаның маңыздылығын түсіндіріп, жиі антисептик қолдану, қолғап киюге шақырды. Вирустың алдын алу шараларының маңыздылығына мән берді.

Бұдан бөлек, «Жаңғыру Жолы» Жастар қозғалысының еріктілері пандемия барысында әлеуметтік жағдайы нашар топтарға, провизорлық стационарларға және жағдайы төмен отбасылар мен ақ халатты абзал жандарға көмек көрсетуде.








Жоғары қарай