Ауа райы
Астана 8 °С
Алматы 15 °С
валюта бағамы
USD 421.58
EUR 496.83
RUB 5.53
CNY 62.20

Қазақтың қайраткер әйелдері туралы энциклопедия жарық көрді

2020 жылдың 18 қыркүйек 2020 05:15

АЛМАТЫ. ҚазАқпарат – Алматыда халқымыздың қайраткер әйелдері туралы энциклопедия жарық көрді, деп хабарлайды ҚазАқпарат тілшісі.

«Ұлттың ұлағатты ұясы» атты анықтамалық-танымдық жинақ Қазақ ұлттық қыздар педагогикалық университетінің бастамасымен шықты.

Кітапта еліміздегі педагог кадрларын даярлайтын іргелі орталықтың бірі – Қыздар университетінің еліміздің ғылым, білім беру және мәдениет саласында елеулі еңбек етіп жүрген түлектерінің азаматтық келбеті, олардың атқарған қызметтері мен игілікті істері кеңінен баяндалған.

«Жинақта оқу орнында атқарылған ауқымды жұмыстар мен жетістіктер де топтастырылған. Кітап «Тарих. Таным. Таразы», «Парасат мектебі: бүгіні мен болашағы», «Тұлғалар», «Ғалымдар», «Ұстаздар» және «Ақын-жазушылар, мәдениет саласының қызметкерлері» атты бөлімдерден тұрады. Азаматтық келбеттері оқырман назарына ұсынылған түлектердің қатарында Күләш Құнантаева, Шәмша Беркімбаева, Оразкүл Асанғазы, Асылы Осман, Ақұштап Бақтыгереева сынды мемлекет және қоғам қайраткерлері бар», – деп атап өтті кітаптың құрастырушысы әрі бас редакторы Жандар Асан.


Автор Алма Мұқанова
Басты сөздер: Алматы, Қоғам, Мәдениет,
Жоғары қарай