Ауа райы
Астана -5 °С
Алматы 5 °С
валюта бағамы
USD 375.87
EUR 406.24
RUB 5.84
CNY 53.45

Қазақстанның бірқатар өңірінде жол жабық

2020 жылдың 24 қаңтар 2020 09:54

НҰР-СҰЛТАН. ҚазАқпарат – Елорда мен бірнеше облыста жол жабық, деп хабарлайды ҚазАқпарат ҚР ІІМ ТЖК баспасөз қызметіне сілтеме жасап.

Комитеттің хабарлауынша, Ақмола облысында автожолдың 9 учаскесінде барлық көлік түрі бойынша қозғалысқа шектеу қойылған. Олар: Нұр-Сұлтан-Ерейментау-Шідерті» (Нұр-Сұлтаннан Павлодар облысына дейін), «Екатеринбург-Алматы» (Жақсы ауылынан СҚО аумағына дейін), «Жезқазған-Петропавл» (Қостанай облысының шекарасынан СҚО шекарасына дейін), «Екатеринбург-Алматы» (Нұр-Сұлтан қаласынан Қарағанды облысының шекарасына дейін), «Екатеринбург-Алматы» (Атбасардан елордаға дейін), «Нұр-Сұлтан-Петропавл» (Нұр-Сұлтаннан Щучеге дейін), «Нұр-Сұлтан-Қорғалжын» (Ақмол ауылынан Қорғалжын қорығына дейін), «Макинск-Ақсу-Торғай» (Макинск қаласынан Торғай қаласына дейін), «Көкшетау - Атбасар» (Балқаш кентінен Атбасарға дейін).

Сонымен бірге, комитет Ақтөбе облысында автожолдың тағы үш учаскесінде жолаушылар мен жүк көліктері үшін жол жабылғанын хабарлайды. Олар: «Самара-Шымкент» (Маржанбұлақ ауыланан Қобдаға дейін), «Самара-Шымкент» (Белогорка ауылынан Қарабұтаққа дейін), «Ақтөбе-Ор» (Ш.Қалдаяқов ауылынан РФ шекарасына дейін).

Алматы облысында Үшарал-Достық автожолының бірінші учаскесінде көліктің барлық түріне жүруге шектеу енгізілген.

Шығыс Қазақстан облысында автожолдың 2 учаскесінде тіркемелі және жартылай тіркемелі жүк көліктері үшін жол жабылды. Олар: Өскемен-Риддер-РФ шекарас> (Белоусовка ауылынан Риддерге дейін), Омбы-Майқапшағай (Қалбатау ауылынан Көкпектіге дейін). Сонымен бірге, ШҚО-да мына бағыттағы жол учаскелеріне көліктің барлық түріне жол жабық: Өскемен-Шемонаиха-РФ шекарасы (Предгорное ауылынан РФ шекарасына дейін), Семей-Қайнар, Алматы-Өскемен (Қалбатаудан Қасым-Қайсенов кентінің бұрылысына дейін), «Омбы-Майқапшағай » (Семейден Павлодар облысының шекарасына дейін), «Өскемен-Алтай-Үлкен Нарын-Катонқарагай-Рахман қайнарлары», «Семей-РФ шекарасына дейін» учаскесі.

Қостанай облысында Жезқазған-Павлодар автожолында көліктің барлық түріне қозғалуға шектеу қойылды. Қызылорда облысында Қызылорда-Павлодар арасындағы жол да жабық.

ҚР ІІМ Төтенше жағдайлар комитеті азаматтарға ауа райын бақылап отыруға, алыс жолға шықпауға шақырады. Жолда қалып қалған жағдайда «112» нөміріне хабарласып, көмек сұрауға болады.


Жоғары қарай