Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстанның 12 өңірінде ауа райына байланысты ескерту жарияланды

2021 жылдың 1 желтоқсан 2021 23:26

НҰР-CҰЛТАН. ҚазАқпарат – Қазгидромет 2 желтоқсанда еліміздің бірқатар өңірінде ауа райына баланысты ескерту жариялады, деп хабарлайды ҚазАқпарат.

Қостанай облысының солтүстік-батысында, шығысында көктайғақ, тұман, жаяу бұрқасын күтіледі. Оңтүстіктен, оңтүстік-батыстан жел соғады, екпіні 15-20 м/с.

Ақтөбе облысының солтүстік жартысында көктайғақ болады.

Қызылорда облысының орталығында оңтүстіктен соққан жел батысқа ауысады, күші 15-20 м/с күтіледі.

Батыс Қазақстан облысының солтүстік-батысында тұман, көктайғақ күтіледі. Жел батыстан, оңтүстік-батыстан соққан желдің жылдамдығы 15-20 м/с жетеді.

2 желтоқсанда таңертең және күндіз Түркістан облысының батысында, солтүстігінде шаңды дауыл күтіледі.

Шымкент қаласында 2 желтоқсанда күндіз оңтүстіктен, оңтүстік-батыстан соққан жел 15-20 м/с жылдамдыққа жетеді.

Нұр-Сұлтан қаласы тәуліктің екінші жартысында көктайғақ болады.

Қарағанды облысының батысында көктайғақ күтіледі. Облыстың оңтүстігінде тұман күтіледі. Оңтүстіктен, оңтүстік-шығыстан жел соғады, облыстың батыс жартысында 15-20, екпіні 23 м/с жетеді.

Павлодар облысының оңтүстігінде оңтүстіктен жел соғады екпіні 15-20 м/с күтіледі.

Маңғыстау облысының солтүстігінде және орталығында тұман, көктайғақ болжанады.

Ақмола облысында солтүстік-батысында, оңтүстік-шығысында жаяу бұрқасын, көктайғақ күтіледі. Түнде және таңертең облыстың шығысында тұман түседі.

Солтүстік Қазақстан облысының солтүстігінде, ортасында жаяу бұрқасын, көктайғақ болады. Оңтүстік-батыстан жел соғады, облыстың батысында, солтүстігінде екпіні 15-20 м/с жетеді.


Басты сөздер: Қазгидромет, Ауа райы,
Жоғары қарай