Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстаннан Олимпиадаға қатысатын боксшылар Азия чемпионатында бақ сынайды

2021 жылдың 13 мамыр 2021 13:52

НҰР-СҰЛТАН. ҚазАқпарат – 21 мамыр мен 1 маусым аралығында Біріккен Араб Әмірліктерінің Дубай қаласында бокстан ерлер арасында Азия чемпионаты өтеді, деп хабарлайды ҚазАқпарат тілшісі.

Қазақстан бокс федерациясы мәлім еткеніндей, құрлықтық додада ел намысын қорғайтын спортшылар белгілі болды.

49 кг: Даниял Сәбит

52 кг: Сәкен Бибосынов

56 кг: Сабырхан Махмұд

60 кг: Серік Теміржанов

64 кг: Зәкір Сафиуллин

69 кг: Абылайхан Жүсіпов

75 кг: Әбілхан Аманқұл

81 кг: Бекзат Нұрдәулетов

91 кг: Василий Левит

+91 кг: Қамшыбек Қоңқабаев.

Қазақстан құрамасының бас бапкері Ғалымбек Кенжебаев Olympic.kz. сайтына берген сұхбатында былай деді:

«Бұл додаға Олимпиадаға қатысатын боксшыларды түгел алып барамыз. Өйткені, Азия чемпионаты Токио қарсаңындағы ең маңызды дайындық кезеңдерінің бірі саналады. Олимпиадада бақ сынайтын жігіттерді тағы да бір сынап алмақпыз. Сондай-ақ Азия чемпионаты он салмақ дәрежесінде өтетіндіктен, 57 келідегі Серік Теміржановты 60 келіге ауыстырдық. 52 келідегі Сабырхан Махмұд 56 келіде жұдырықтасады. 49 келіде еліміздің ең жас чемпиондарының бірі болған Даниял Сәбитті сынға қостық. Олимпиадашыларға толық мүмкіндік бердік».

Айта кетейік, батысқазақстандық Даниял Сәбит өткен жылы ересектер арасындағы Қазақстан чемпионатында 18 жасында топ жарған болатын.

Сондай-ақ ол биыл Санкт-Петербургте өткен халықаралық жарыста қола жүлдегер атанды.

Еске салсақ, бұдан бұрын бокстан 2021 жылғы әлем чемпионаты өтетін уақыт белгілі болды.


Автор Елжан Ералы
Басты сөздер: Азиада, Олимпиада, Спорт,
Жоғары қарай