Ауа райы
Астана 25 °С
Алматы 27 °С
валюта бағамы
USD 409.19
EUR 461.24
RUB 5.67
CNY 58.26

Қазақстаннан қандай тауарлар шетелге шығарылмайды

2020 жылдың 28 наурыз 2020 17:46

НҰР-СҰЛТАН. ҚазАқпарат – ҚР Ақпарат және қоғамдық даму министрі Дәурен Абаев қандай тауарлар шетелге шығарылмайтындығы туралы айтты, деп хабарлайды ҚазАқпарат тілшісі.

«Қазіргі уақытта «Ұлттық ақпараттық технологиялар» АҚ заңды тұлғалар үшін электрондық цифрлық қолтаңбаны онлайн режимінде алуға арналған сервисті дайындауда. Аталған сервис жақын арада дайын болады», - дейді Дәурен Абаев Хабар 24 арнасында өткен онлайн брифингте.

Сондай-ақ, ол қандай тауарды сыртқа шығаруға тыйым салынғаны туралы айтты.

«Биыл 22 наурызда Ауыл шаруашылығы министрлігі қарақұмық жармасы, бидай немесе қара бидай ұны, қант, картоп, сәбіз, қызылша, пияз, қырыққабат, күнбағыс майы және күнбағыс тұқымдарын үшінші елдерге экспорттауға тыйым салды. Барлық тауар түрлері әлеуметтік маңызы бар тізімге енгізілген. Жалпы, Қазақстан Республикасындағы әлеуметтік маңызы бар азық-түлік тауарларының тізіміне 19 позиция кіреді. Қазіргі уақытта осы тізімге енгізілген барлық тауарлар жоғары дәрежеде қамтамасыз етілген, ал алдағы алты айға дейін жетеді. Сонымен қатар, отандық тауар өндірісі тоқтап қалған жоқ, сол себепті қорлар үнемі толықтырылып отырады», - дейді ол.


Жоғары қарай