Ауа райы
Астана -13 °С
Алматы -10 °С
валюта бағамы
USD 421.58
EUR 496.83
RUB 5.53
CNY 62.20

Қазақстанға автокөлік арқылы кірген 122 адамнан коронавирус анықталды – ДСМ

2020 жылдың 21 қазан 2020 17:10

НҰР-СҰЛТАН. ҚазАқпарат – Қазақстанның мемлекеттік шекараларында санитарлық-карантиндік бақылау жұмыстары қалай жүргізіліп жатыр? Бұл сұрақ бойынша Денсаулық сақтау министрлігінің Санитарлық-эпидемиологиялық бақылау комитетінің төрайымы Айжан Есмағамбетова мәлімет берді, деп хабарлайды ҚазАқпарат тілшісі.

«Өздеріңіз білетіндей, Бас мемлекеттік санитариялық дәрігердің қаулысына сәйкес 6 қазаннан бастап Қазақстанның мемлекеттік шекараларында санитарлық-карантиндік бақылау жұмыстары күшейтілді. Бұл – әуе мен автокөлік қозғалысы бойынша шектеу. Осылайша бүгінге дейін 73 591 азамат (қазақстандық және шетелдік азаматтар) автокөлікті өткізу бекеттері арқылы өтті. Олардың ішіндегі жолаушылар – 21 279 адам. ПТР-анықтамасы жоқ азаматтар екі күндік карантинге жатқызылды. Ондай санаттағы жолаушылардың саны – 5967 адам болды. Олардың ішінде 122 адамнан коронавирус анықталды», - деді Айжан Есмағамбетова ОКҚ-да өткен баспасөз мәслихатында.

Комитет басшысы сонымен қатар халықаралық әуе рейстері арқылы Қазақстанға 34 446 жолаушы келгенін, олардың ішінде ПТР-анықтамасы жоқ 5 925 адам карантиндік стационарға жатқызылғанын айтты.

«Солардың ішінде 19 адамның бойынан коронавирус анықталды. Коронавирус жұқтырған азаматтар Түркия, БАӘ, Беларусь, Ресей, Мысыр елінен келгендер», - деді ол.


Жоғары қарай