Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстанда вакцина алған қанша адам қайтыс болды

2021 жылдың 27 қыркүйек 2021 16:44

НҰР-СҰЛТАН. ҚазАқпарат – Елімізде коронавирусқа қарсы вакцина алғаннан кейін көз жұмғандардың саны белгілі болды, деп хабарлайды ҚазАқпарат тілшісі.

«Биыл 1 ақпаннан бастап тамыз айының соңына дейін вакцина алған соң қайтыс болғандардың саны - 482. Бұл - КВИ-ден қайтыс болғандардың жалпы санының 5 пайызы. Осы орайда жалпы аталған індеттен қайтыс болғандардың дені - вакцина алмаған жандар екенін еске салғым келеді. Вакцина алғаннан кейін мерт болған 482 адамның 23-і Corona Vac салдырған, 371-і «Спутник V» вакцинасын қабылдаған, тағы 75 адам Vero Cell еккен және 13 адам отандық QazVac-ты алған», - деді ҚР Денсаулық сақтау министрі Алексей Цой Үкімет үйінде өткен баспасөз мәслихатында.

Бұған дейін ведомство басшысы елдегі эпиджағдайдың жақсарғанын жеткізген еді.

«Қазақстандықтар коронавирус дәуірінде өмір сүріп жатқанын түсіну керек. Қазіргі уақытта 6 миллионнан астам қазақстандық толық вакцина алды. Бүгінде халықтың белгілі бір бөлігінде иммундық қабілет жақсарып, сәйкесінше, эпиджағдай жақсарып келеді», - деп еді министр.


Жоғары қарай