Ауа райы
Астана 6 °С
Алматы 3 °С
валюта бағамы
USD 421.58
EUR 496.83
RUB 5.53
CNY 62.20

Қазақстанда үш балаға Кавасаки синдромы диагнозы қойылды

2020 жылдың 10 тамыз 2020 16:56

НҰР-СҰЛТАН. ҚазАқпарат – Денсаулық сақтау министрлігінің ресми өкілі Бағдат Қожахметов коронавирус инфекциясынан 114 бала ауруханада емделіп жатқанын айтты, деп хабарлайды ҚазАқпарат тілшісі.

«Наурыз айынан бастап балалардың коронавирус инфекциясын жұқтырудың 2 257 жағдайы тіркелді. Оның ішінде қазіргі кезде Қазақстан ауруханаларында 114 бала жатыр», - деді ресми өкіл Орталық комунникациялар қызметінде.

Белгілі болғандай, үш жеткіншекте Кавасаки синдромы анықталды. Кавасаки синдромы күретамырларға зақым келтіреді.

«Жыл басынан бері жалпы үш жағдай тіркелді, яғни Нұр-Сұлтанда, Алматыда және Петропавлда», - деді Б. Қожахметов.

Оның сөзіне қарағанда, балалардың денсаулығы әртүрлі дәрежеде. Елордадағы баланың денсаулық жағдайы тұрақты.

«Бұл өте күрделі синдром. Сәйкесінше, оған ерекше мән берген жөн», - деді ресми өкіл.


Жоғары қарай