Ауа райы
Астана 22 °С
Алматы 23 °С
валюта бағамы
USD 412.55
EUR 465.73
RUB 5.79
CNY 58.91

Қазақстанда төртінші адамнан коронавирус табылды

2020 жылдың 13 наурыз 2020 21:06

НҰР-СҰЛТАН. ҚазАқпарат - Германиядан ұшып келген Қазақстанның тағы бір азаматынан коронавирус анықталды, деп хабарлайды ҚазАқпарат.

Бұл туралы ҚР Денсаулық сақтау министрлігінің ресми өкілі Диас Ахметшәріп «Ашық алаң» бағдарламасында айтты.

«25 минут бұрын бізге шұғыл хабар келіп түсті. Германиядан келген ұшақта болған 1976 жылы туған ер адамнан коронавирус табылып, қазір ол Алматыдағы көпбейінді медицина орталығының стационарында ем алып жатыр. Осылайша науқастардың саны төртке жетті. Айта кетейік, оның үшеуі Германиядан келген, қазір Алматыда карантинде, ал төртінші елордалық әйел күйеуімен бірге Италияның Милан қаласынан ұшып келді. Оның жолдасынан коронавирус табылған жоқ», - деді Диас Ахметшәріп.

Еске сала кетейік, бүгін Денсаулық сақтау министрі Елжан Біртанов Қазақстанда екі адамның коронавирус жұқтырғанын жеткізген еді. Кейіннен Милан қаласынан Нұр-Сұлтанға келген тағы бір қазақстандықтан коронавирус инфекциясы табылды.

Бұдан бұрын айтқанымыздай, елімізде коронавирус тіркелген жағдайда Үкімет жанындағы ведомствоаралық комиссия тиісті іс-шаралар жоспарын бекіткен еді. «Б» жоспары бүгін күшіне енді.

Қазір барлық шара бекітілген алгоритм бойынша жүргізіліп жатыр. Коронавирус инфекциясына шалдықты деп күдіктелген тұлғада аурудың клиникалық белгісі жоқ. Эпидемияға қарсы барлық қажетті шара қолданылып жатыр, соның ішінде оқшаулау, емдеу және дезинфекциялық іс-шара бар.

- карантинге жатқызу үшін төсек орындары әзірленген;

- медициналық препараттар мен дезинфекциялық құралдар қоры жеткілікті;

- медициналық персонал толық дайын;

- сұрақ туған жағдайда, 1406 нөміріне call орталыққа хабарласу керек.




Автор Жанат Қапалбаева
Басты сөздер: Коронавирус,
Жоғары қарай