Ауа райы
Астана -9 °С
Алматы 0 °С
валюта бағамы
USD 388.70
EUR 428.70
RUB 6.08
CNY 55.46

Қазақстанда шаруашылықтардағы астық электронды есепке алынады

2019 жылдың 14 наурыз 2019 16:39

АСТАНА. ҚазАқпарат - Қазақстанда шаруашылықтардағы астық электронды түрде есепке алынатын болады. Бұл туралы бүгін Үкімет үйіндегі баспасөз мәслихатында ҚР Ауыл шаруашылығы министрі Сапархан Омаров айтты, деп хабарлайды ҚазАқпарат тілшісі.

«Біз электронды астық қолхатына көшіп жатыр. Әзірше, электронды есепке алу элеваторлар деңгейінде ғана жүргізіліп жатыр. Дегенмен, алдағы уақытта барлық астықты қамту үшін шаруашылықтар деңгейіне дейін төмен түсуді жоспарлап отырмыз», - деді министр.

Оның айтуынша, алдағы уақытта шаруашылықтан элеваторға дейін жеткізілетін бидай көлемі электронды түрде есепке алынатын болады.

«Бүгінгі күні мемлекеттік тізілімнен элеваторлардағы бүкіл астықты көре аламыз. Сондықтан астықты есепке алу жүргізілмейді деуге болмайды. Тіпті бізде астықтың мемлекеттік статистикасын жүргізетін ұйым да бар», - деді ол.

Жоғары қарай