Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстанда өңірлердің басым бөлігінде инфляция жылдамдады

2021 жылдың 20 қазан 2021 15:08

НҰР-СҰЛТАН. ҚазАқпарат – Жылдық инфляция қыркүйекте 13 өңірде жылдамдады. Бұл туралы ҚР Ұлттық банкінің төрағасы Ерболат Досаев айтты, деп хабарлайды ҚазАқпарат тілшісі.

«Инфляцияны тұрақтандыру мақсатында Мемлекет басшысы осы жылғы қыркүйектегі өзінің Жолдауында Үкіметке Ұлттық банкпен бірлесіп монетарлық емес факторларға ерекше назар аударуды тапсырды. Президенттің орындау үшін Үкімет шешімімен Инфляцияға қарсы ден қою шараларының кешені бекітілді, оны іске асыру осы жылғы қыркүйекте басталды», - деді Е. Досаев Мәжілістің жалпы отырысында.

Сонымен қатар ол биылғы инфляцияны тежеудің негізгі қадамдарын айтты.

«Сіздердің назарларыңызды өңірлердегі жағдайға аударғым келеді. Жылдық инфляция қыркүйекте 17 өңірдің 13 өңірінде жылдамдады, ол 6 облыста 9 пайыздан асып отыр. Ұлттық банктің пікірінше, өңірлік нарықтарда бағаларды тұрақтандыру және тауарлар тапшылығына жол бермеу биылғы жылғы инфляцияны «тежеудің» негізгі факторлары болып саналады», - деді ҰБ басшысы.

Бұдан бұрын хабарланғандай, Ұлттық банк төрағасы елімізде инфляцияның өсуінің негізгі себептерін айтты.


Жоғары қарай