Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстанда мемқызметтер көрсету сапасының қоғамдық мониторингі жүргізілуде

2021 жылдың 23 қыркүйек 2021 09:20

НҰР-СҰЛТАН. ҚазАқпарат - Қазақстан Республикасы мемлекеттік қызмет істері агенттігінің мемлекеттік әлеуметтік тапсырысы аясында «Зор рух» қайырылымдылық қорымен ағымдағы жылда мемлекеттік қызметтер көрсету сапасының қоғамдық мониторингі жүргізілуде. Бұл туралы ҚазАқпарат аталмыш қордың баспасөз қызметіне сілтеме жасап хабарлайды.

Жоба мақсаты – көрсетілген мемлекеттік қызметтердің сапасына, қолжетімділігіне және көрсетілу тәртібіне қатысты қызмет алушылардың қанағаттанушылық денгейін, сондай-ақ 2021 жылы мемлекеттік қызметтерді көрсету барысында туындайтын мәселелерді анықтау.

Жоба барысында, еліміздің барлық аймақтарында тұратын кемінде 12 000 қызмет алушыны қамту жоспарланған. Барлық мемлекеттік органдармен және ХҚО-мен көрсетілетін 75 мемлекеттік қызметтін сапасы мен қолжетімділігі жөніндегі тұлғалардың пікірлері, қызығушылықтары, ұсыныстары мен қалауы талданатын және тіркелетін болады. Талдау ең ауқымды, проблемалық (бюрократиялық, сыбайлас жемқорлық, орындау мерзімнің бұзылуы, шағымдар және т.б.) және әлеуметтік маңызы бар мемлекеттік қызметтерді қамтитын болады.

Әкімшілік кедергілерді анықтағаннан кейін және мемлекеттік органдардан қызмет алу кезінде қызмет көрсетушілерге сенім деңгейін зерттегеннен кейін ең осал орындар анықталады. Бақылау барысында, мемлекеттік қызметті алу кезіндегі әлеуметтік шиеленіс денгейін зерттеу, халықтың мемлекеттен нақты қызмет алу туралы хабардар болу деңгейін анықтау жоспарлануда.

Қоғамдық мониторинг нәтижесінде мемлекеттік қызмет көрсету рәсімін жетілдіру, оларды ұсыну мен жіктеу бойынша бизнес процестерді автоматтандыру туралы ұсыныстар әзірленеді.

Сонымен бірге, ағымдағы жылы қоғамдық мониторинг онлайн пішімінде де өткізілуде. Осылайша, қызмет алушыларға жеке түрде онлайн – сауалнаманы өту ұсынысы және арнайы платформаға сілтемесі бар SMS жолданады. SMS жолдамада көрсетілген мерзімде онлайн сауалнаманы толтырмаған тұлғалар, сауалнамаға телефон арқылы қатыса алады.

Мемлекеттік қызметтерді көрсету сапасын арттыруға өз үлесін қосқысы келетін қазақстандықтар +7 700 000 08 56 нөміріне хабарласып, онлайн сауалнамаға қатыса алады.


Жоғары қарай