Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Қазақстанда күн сайын әлеуметтік маңыздағы тауарларға мониторинг жүргізіледі

2022 жылдың 18 қаңтар 2022 10:59

НҰР-СҰЛТАН. ҚазАқпарат – 5 қаңтардан күн сайын өңірлерде әлеуметтік маңызы бар азық-түлік тауарларының барлық позициялары бойынша бағаларға мониторинг жүргізіліп жатыр. Бұл туралы Үкімет отырысында Бәсекелестікті қорғау және дамыту агенттігінің төрағасы Серік Жұманғарин айтты, деп хабарлайды ҚазАқпарат тілшісі.

«Бәсекелестікті қорғау саласындағы заңнаманы бұзуға жол бермеу мақсатында Агенттік тиісті жедел шаралар қабылдауда Әлеуметтік маңызы бар азық-түлік тауарлары нарықтарында бағаны ұстап тұру және 10% - ға дейін сауда үстемесін белгілеу бөлігінде өндірушілермен, көтерме жеткізушілермен және сауда желілерімен монополияға қарсы комплаенстің 189 актісі жасалды. Биылғы 5 қаңтардан бастап күн сайын өңірлер бөлінісінде әлеуметтік маңызы бар азық-түлік тауарларының барлық позициялары бойынша бағаларға мониторинг жүргізіледі», - деді С. Жұманғарин.

Оның айтуынша, бәсекелестікке қарсы келісілген іс-әрекеттер және үстем жағдайды теріс пайдалану белгілері бойынша 8 тексеру іс-шаралары жүргізіліп жатыр. Бұл тұрғыда тауық жұмыртқасын өндірушілерге қатысты 6 тексеру, тауық еті бойынша 1 тексеру, сондай-ақ қантқа қатысты тағы бір тексеру амалдары қамтылған.


Жоғары қарай