Ауа райы
Астана 5 °С
Алматы 8 °С
валюта бағамы
USD 421.58
EUR 496.83
RUB 5.53
CNY 62.20

Қазақстанда карантинге жабылған сауда нысандары қашан ашылады

2020 жылдың 30 шілде 2020 18:52

НҰР-СҰЛТАН. ҚазАқпарат – Қазақстандағы сауда нысандарының алғашқысы қашан ашылады? Бұл сұраққа Үкімет басшысының орынбасары Ералы Тоғжанов жауап берді, деп хабарлайды ҚазАқпарат тілшісі.

«17 тамыздан бастап – санитарлық талаптарға жауап беретін нысандар жұмысын бастайды», - деді Ералы Тоғжанов ОКҚ-да тілшілердің сұрағына жауап бере отырып.

Оның айтуынша, ойын-сауық орталықтары, сауда үйлері, жабық санаттағы азық-түліктік және азық-түліктік емес базарлар, балалардың коррекциялық кабинеттері, білім беру орталықтары, балаларды дамыту орталықтары, топтық үйірмелер (бес баладан аспауы керек), балалардың мектепке дейінгі мекемелері (кезекші топ режимінде жұмыс істеуге рұқсат), сән-салондары, косметикалық қызмет көрсететін орталықтар осы талаптарға сай болуы керек.

Еске сала кетсек, бұған дейін Ералы Тоғжанов кәсіпкерлік субъектілері тексеру актісінің оң қорытындысы шыққан жағдайда ғана жұмысын бастай алатынын хабарлаған болатын.


Автор Аян Бекенұлы
Басты сөздер: Қоғам, Карантин, ҚР Үкіметі,
Жоғары қарай