Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Қазақстанда француз технологиясы бойынша ешкі ірімшігі өндірісі ашылады

2021 жылдың 20 ақпан 2021 17:13

ПАРИЖ. ҚазАқпарат – Париж, 2021 жылдың 19 ақпаны – Қазақстанның Франциядағы Елшіcі Жан Ғалиев «D. A. E.» компаниясының басшысы Давид Аммёмен кездесті.Келіссөздер барысында француз кәсіпкері жергілікті шикізат пен жұмыс күшін пайдалана отырып, Алматы облысында ешкі сүтінен ірімшік өндірісін ашу туралы жоспарларымен бөлісті, деп хабарлайды ҚазАқпарат ҚР Сыртқы істер министрлігінің ресми сайтына сілтеме жасап.

Өндіріске бастапқы инвестициялардың көлемі 1 млн еуроны құрайды. Жобаны қаржыландыруға «Kairos Advice» халықаралық инвестициялық-консалтингтік компаниясының Бас директоры Айгүл Саинова да қатысады. Өндірісті дамыту үшін Франциядан асыл тұқымды мал импорты, сондай-ақ технологиялар трансфері мен тәжірибемен бөлісу көзделеді.

Елші бұл жоба Қазақстан мен Франция арасындағы ынтымақтастықтың басым салаларының бірі болып табылатын ауыл шаруашылығына сәйкес келетінін атап өтті. Оның айтуынша, ешкі сүтінен жасалған ірімшіктің ЕАЭО, ҚХР және Орталық Азия елдерінің нарықтарына жеткізудің елеулі әлеуеті бар. Елші аталған жобаға ҚР СІМ, «Kazakh Invest «ҰК» АҚ және басқа да мүдделі ведомстволар тарапынан қажетті сүйемелдеу көрсетілетініне сендірді.

Кездесу қорытындысы бойынша Д.Аммё Қазақстан Елшілігіне қолдау көрсеткені үшін алғысын білдірді. Француз инвесторы алдағы уақытта жобаны бастап, ешкі ірімшігінің алғашқы партиясын тұтынушыларға ұсыну үшін Қазақстанға баруды көздеп отыр.


Жоғары қарай